[無綫][愛美麗狂想曲] 3月12日星期五晚，無綫播咗《愛美麗狂想曲》嘅宣傳片，片尾話會喺3月22日嘅2130時段首播，即係代替播到中途嘅《大步走》。
但唔夠24小時，《愛美麗狂想曲》嘅宣傳片就唔見咗個時間，只係得返首播日子。而無綫官方節目表喺3月22日2030嗰欄係寫住「節目待定」。
到今晚，宣傳片終於有返時間，但變咗做2030。即係話《愛美麗狂想曲》係接住《失憶24小時》喺3月22日嘅2030首播。《大步走》繼續跑埋餘下路程。
不過出宣傳片唔係小事，仲要本來係腰斬/調動《大步走》去播《愛美麗狂想曲》，純粹出錯嘅機會微乎其微。到底發生咗咩事呢？
#好在有片為證如果唔係我會覺得自己失憶24小時。
#無綫 #TVB #愛美麗狂想曲 #大步走 #失憶24小時
Search